Teks saweran sunat | Lirik sawer khitan
Khitan (sunat) dalam bahasa Sunda disebut dengan nyepitan atau ngeuerut untuk anak laki-laki dan disebut gusaran untuk anak perempuan. Biasanya dalam tradisi adat Sunda ada sawer ketika hajat khitanan atau gusaran. Fungsi sawer adalah sebagai nasihat atau wejangan bagi anak yang dikhitan dan juga bagi kedua orang tuanya.
 |
| Khitan Vektor |
Berikut contoh teks untuk saweran pengantin sunat dalam bahasa Sunda. Semoga bermnafaat:
Kalayan asma Pangéran
Nu Maha Asih tur Héman
ayeuna badé ngawitan
nyawér anu disepitan
muga-muga janten jalan
mukakeun jalan pikiran
hingga caang narawangan
istri-pameget nu mulya
nyepitan jiga teu pira
loba jalma nu mokaha
ku pikiran anu tenang
ieu téh tos janten korban
kuat nahan ti Pangéran
nyaahna kabina-bina
ka anu janten putrana
Ti barang gubrag ka dunya
dipangga didama-dama
diperhatikeun biangna
dijaga sapapanjangna
énggal ibu gugah cengkat
reungit énggalna ditepak
Sang ibu tibra kulemna
budak nangis ngagandéngan
énggal dirampa putrana
Mun baseuh énggal diganti
ku nu garing ati-ati
tos bérés disimpen deui
Ningal kanyaah ibuna
ka putra nu saéstuna
nya kitu deui ramana
Barang nincak dua taun
malar ibu ramana bingung
hariwangna teu kalangkung
Budak kedah disepitan
bari hajat sukan-sukan
sakapeung sok raraméan
Sanajan anu teu boga
tapi sok saaya-aya
dahar ngumpul jeung baraya
Putra anu dipusti-pusti
anak lalaki ngan hiji
dipotong harita pasti
Budak ceurik jejeritan
nyerieun antep-antepan
getih banjir na lahunan
Ibu-rama ngawas-ngawas
ka putra anu dipiwelas
harita dugi ka iklas
Nu puguh mah sabalikna
bungahna kabina-bina
lantaran atos laksana
cobi ayeuna lenyepan
ku kaom nu ngaku Islam
nu parantos disepitan
Maké jeung ungked-ungkedan
samak hayoh diciuman
da ganjaran pamohalan
Hirup mah cenah da gampang
entong maké halal haram
nu datangna sambarangan
Agama dianggap satru
sabab ngahalangan napsu
nu jahat ngalajur napsu
Asal dahar jeung pakéan
nu jadi poko pikiran
hirup henteu jeung aturan
Rarasaan téh rék lana
hirup bakal salawasna
hirup mo aya tungtungna
Singhoréng téh geuning awak
lamun ningal eunteung nyeblak
reuwas haté geuning ruksak
padahal teu ningal wedak
rambut hideung jadi bodas
waos anu bodas nyacas
Kulit nu héjo carulang
naha ayeuna bet belang
kokoloteun narumpangan
Pangambung kuwung-kuwungan
bet jiga nu ngarényohan
panangan kaya gondéwa
Soca nu cureuleuk méncrang
ayeuna cahyana kurang
ningal ogé ramang-ramang
Para sadérék miarsa
mun enya urang kawasa
pasti moal péot bisa
Najan dokter tur Éropa
teu sanggup nambahan nyawa
sangkan hirup urang lana
Najan tukang jamu wétan
bari nambah kakuatan
malihara kangoraan
Sabab umurna ngolotan
panyakit bet dararatang
boson bésér batuk rejang
badan kurang kakuatan
tihothat néangan dunya
Sieun hirup henteu lana
poho ka anu Kawasa
ka urang teu ngabélaan
najan urang jejeritan
dina waktu moal datang
ngan ukur ngaléléwéan
urang balik ngan sorangan
Carogé anu micinta
ngan ukur hujan cimata
indung-bapa sareng putra
euweuh nu miroséa
henteu daék ditinggalkeun
nu saéna pibatureun
Tah ieu sawér nyepitan
muga ngajantenkeun jalan
ka anu geus jaranggotan
pamugi ulah élodan
Jeung urang téh tos disunat
ibu rama atos hajat
kawin gé maca sahadat
ana kitu kadé lepat
nyata hukum ti Pangéran
kari-kari dipilihan
néangan nu hampang gampang
sunatna jeung sahadatna
malahan tambah dosana
Islam sakadar ngaranna
Panutup urang ngado'a
ka Pangéran anu Mulya
murangkalih sing waluya
dirahmat ku Nu Kawasa
pamuda harepan bangsa
Belum ada tanggapan untuk "Teks Lirik Saweran Sunda Untuk Khitan"
Post a Comment
Dilarang membagikan link judi, pornografi, narkoba, dan kekerasan. Terimakasih.