Kumpulan Puisi Bahasa Aceh
Berikut berbagai contoh pantun bahasa Aceh dalam berbagai
tema baik itu nasihat, hiburan lucu, dll.
Pantoen loen karang nibak uroe nyoe
Keu perte putroe ngen aneuk dara
Bak pileh cut abang tamita lakoe
Bek teulah dudoe hana le guna
Nye yang keulimeng bacuet loen sampoe
Agam yang bek laloe tanggong jaweub beuna
Meunye tateurimeng agam lagee nyoe
Han dikubah sidroe seudeh ngen bahgia
Uroe nyoe teuma takisah laen haba
Haba Calitra keu gura-gura
Bak taduek duek tapeugah haba
Bek rhoh narit haba peusuna
Kehendak allah wahe dek cut
Lage teugeut tanyoe dua
Ka lheuh nikah bak buleun peut
Tanyoe dek cut ka sah dua
Gata kandong aneuk ubeut
Tuet paneut hana beda
Raya panyang pih jeut kubuet
Aneuk dek cut beu tajaga
Hasel nikah uloen maksut
Gata dek cut tukang jaga
Ta meu gandong ka rayeuk prut
Seunang ban buet oh ka nyata
Jalan jalan wate supoet
Meu ikot ikot deu ngoen honda
Cok cewek peu duek dilikot
Di cruep bek roet mat bak nuga
Boh giri pateun geumat bek roet
Jagoen teutot itam sukla
Macam macam piasa supoet
Ladom seunalop kadarduasa
▪ Ingat Keu Mate
kumang seulanga duroh bak tangke
kumang bungong pade oh watee senja
hudep didonya meubek laloe le
ingat keu mate kan geutanyoe rasa
gudong meutingkat rumoh meu uke
moto ngen honda cb tinggai lam donya
inoeng lagak that pawoen ngen doble
cuma oh sampe kuburan diba
seudeukah jariah lampoh deungen gle
wakaf peu ase bantu agama
pahla meulimpah sampoe an page
troek uroe akhe tanyoe bahgia
aneuk yang saleh teuma yang akhe
pangkai tamate taharap do'a
dinoe peumeukleh u dayah ta use
bek lagee bude aneuk tapeulara
▪ Keureuja
Oh bengoh uro sabe lon kereja
Sampo an jula hana piyoh tema
Bak mita bacut peseb belanja
Jet mngat senang ayah ngon poma
Jalan cukop brok bak lon jak sikula
Kadang ie raya lon jemerang tema
Demi keu ureng syik beu mubahgia
Ngat na belanja dalam keluarga
Dara Aceh ramee yang tari
Mirah bibi cantek ngon rupa
Adak hitam mameh han sakri
Lagee kupi ka keunong saka
▪ Kumpulan pantun Aceh
Teuma keudua bak mita lakoe
Sabu ngen bakong asoe meubek dicoba
Nye kameuraba nyan lumpah paloe
Keluarga pheng phoe sabe meudawa
Masalah keu peut beuna buet jaroe
Bek peng manteng cakoe bak ayah poma
Supaya di pruet sabe tarasa troe
Ngak ek tapujoe ibadah keu yang Kuasa
Nibak uroe nyoe dikamoe keureuja
Mita rupia saboh glah ie kupi
Jak peu ek anoe pat yang na sisa
Dalam blang raya abeh meu ungki
Gasien ngoen kaya petani ngoen toke
Tungku ngoen lonte nyan chit dirasa
Ngen piasan donya laloe bukon le
Singoh oh mate sapeu tan taba
Lhee boh peukara yang akan dile
Amai sabe be pahala tarasa
Adak ngen donya tanyoe ka meucre
Teutap kan sampe amalan teuka
Ileumee manfaat didalam hate
Tapeurunoe sare adak aleh ba
Seulama meukumat di amai sabe
Pahla meu gule keu tanyoe ta rasa
Yang phon ta cari yang tem meurunoe
Dayah geuputoe menuntut agama
Adak tan gaji bek that ta pakoe
Yang peunteng tanyoe hudep bahgia
Meunye yang keulhee wahe e adoe
Ta eu keuh sidroe agam yang setia
Bek diteurajee ho yang galak droe
Oh hana tanyoe ka lam rumoh janda
▪ Pantun Bahasa Aceh Lucu dan Kocak
Bek salah raba bak mita lakoe
Asai moto dibloe ka tateurimeng saja
Adak bahagia hudep dibumoe
Keupeu hai adoe ileumee hana
Tetapi jino tinggai kenangan
Keu dek intan lon tinggai di banda
Lon tinggai ado ngon sidro badan
Jino lon pulang u asai mula
Sebab han cocok dalam hubungan
Ka di pakelam masalah cinta
Ka lon petuwo keu adek intan
Dalam hubungan masalah cinta
▪ Pantun Bahasa Aceh Lucu Menghibur
Bulen dilanget lemah ta pandang
Dum bintang-bintang lemah mecahaya
Ta pegah kelon han le tasayang
Karna han si padan getanyo dua
Meunyoe neuteupeu hana sipadan
Bek lee neukeunang sket lam dada
Keujeut neu mita laen dara di ligan
Yang si padan sama setia
Bungong si mawoe merah ban campli
Haroem meuwangi cerah that rupa
Bak loen neupeugah ka na dek putri
Ureung jih tari aneuk babah dua
Hana le lon turi dara yang puteh di
Sebab di diri dale bak kereja
Meta belanja pat yang rasaki
Mangat diri cepat ek avanza
Belum ada tanggapan untuk "Kumpulan Pantun Bahasa Aceh - Nasihat, Sindiran, Lucu, dll"
Post a Comment
Dilarang membagikan link judi, pornografi, narkoba, dan kekerasan. Terimakasih.