Kumpulan Pantun Betawi (Jenaka, Nasihat, Palang Pintu)

Pantun Betawi adalah bentuk puisi tradisional atau tradisi lisan khas masyarakat Betawi di Jakarta yang penyajiannya dilakukan secara spontan, lugas, bebas, dan menggunakan logat atau bahasa sehari-hari Betawi (seperti penggunaan kata ane, lu, gue, entar).

Sebagai salah satu budaya bangsa, Pantun Betawi emang kudu banget kita lestariin keberadaannya. Biar kata orang kenalnya cuma buat lucu-lucuan, ternyata fungsinya lebih dari itu. Pantun Betawi biasanya nyeritain soal tradisi sama kebiasaan sehari-hari orang Betawi. Nah, kayak beberapa pantun di bawah ini nih, yang bener-bener nyerminin gaya hidup orang Betawi pada umumnya.

Kupi diseduh air mendidih,
Tambe gule diaduk rate.
Biar ati nggak tambah sedih,
Mari berpantun ala jakarte.

Ambil duren buat jamu

Beli mangga di pasar pagi

Udah lama kagak ketemu

Malem ini ane gabung lagi

 

Beli jimat belinya di slipi,
Di slipi rumahnya Mpo Yaya.
Malem jumat ngapa sepi,
Sepi pada kemana yaa?

 

Jalan-jalan ke pasar baru,

Jangan lupe mampir swalayan.

Perkenalkan aye wahyu,

Asal dari kebayoran.

 

Nasehat

Hari minggu paling enak tamasya,
Oleh-oleh nya bawa tahu bulat.
Udah masuk waktu isyaaa,
Nyok kita pada shalat.

 

Intan beli rambutan, 

Rambutan dari cipinang. 

Mantan bukan pahlawan,

Tidak perlu untuk dikenang.

 

Makan ketan dicampur bakwan,
Jaket kulit ngebungkus pakan.
Mantan memang bukan pahlawan,
Tapi sulit tuk di lupakan.

 

Layar perahu boleh tarikin,

Sepatu baru boleh di beliin.

Biar kata kita orang miskin,

Sholat 5 waktu jangan tinggalin.

 

Ada rante iket di gergaji,

Buat belah biji ketapang.

Ente malam jumat bukannya ngaji,

Eh malah ngadu cupang.

 

Karang bolong dibikin buat film laga
Beli songkok di jatiwaringin
Walau pun jarang aye olah raga
Kalo ngrokok ma aye ude kurangin

 

Pedang besi karat dilap tisu,

Pake piyamah duduk di teras.

Kalo orang mah mo sehat minum susu,

Eh ini mah malah minum aer beras.

 

Kelabang demennya makan undur undur
Daerah plosok di nusa kembangan
Udah bang ente cuci kaki terus tidur
Nanti besok sekolahnya ke siangan

 

Jenaka
Sarapan pagi pake tempe
Siang dikit pake jagung
Tampangnya ucup sih memang oke
Tapi sayang otaknya linglung

 

Belok kanan kudu ati-ati

Nenek-nenek kaga punye banda

Tulung jangan dimasukin ati

Kan ane cuma bercanda,

 

Beli rebung dipasar kenari
Dari cikarang ke cileunyi.
Mandiin burung tiap pagi,
Ampe skarang kagak bunyi-bunyi

Agama

Bunga Mawar sedang mekar
Harumnya wangi menyebar
Sholat Ashar Yuk Sholat Ashar,
Bersembah sujud kepada Yang Maha Benar

 

Kecubung batu dari pulau bintan

Disanding elok dengan berlian

Berhubung sabtu udah Ramadhan

Salah dan Khilaf mohon dimaafkan.

 

Paling enak yang nama nya laksa
Laksa di buat babeh naifin
Sodare-sodare besok pan puasa
Sekira aye punya salah tolong di maafin

 

Ke Cibubur nebeng ponakan

Terus ke Tanjung Priuk jalan-jalan

Santap sahur jangan kekenyangan

Ntar bawa'annye ngantuk pas tadarussan

 

Makan laksa jangan tertawa
Kalau tertawa nanti keselekkan
Berpuasa tanta taqwa
Shalat teraweh jangan dilupakan

 

Jalan-jalan ke pisangan
sampe sana beli bubur
Jangan sampe kesiangan
Ayo cepetan bangun saur

 

Makan salak

Pake ubi celembu

Udah masuk imsak

Jangan lupa sholat subuh.

 

Makan nasi ame bocah ingusan
Makan nye di tempat lesehan
Abis subuh nyok kite tadarusan
Jangan sampe kite ke tiduran

Pantun Palang Pintu
makan sekuteng di Pasar Jum,at

mampir dulu di Kramat Jati,

kite dateng dengan segala hormat,

mohon diterime dengan senang hati.

 

kalo makan buah kenari.

jangan ditelen biji-bijinye.

kalo lu udeh niat dateng kemari.

gue pengen tahu ape hajatnye?

 

ade siang ade malam,

ade bulan ade matahari,

kalo bukan lantaran perawan yang di dalam,

kaga bakalan nih laki gue anterin ke mari.

 

kage salah Abang beli lemari,

tapi sayang kage ade kuncinye,

kage salah abang datang kemari,

tapi sayang tuh… perawan udeh ade yang punye.

 

crukcuk kuburan cine,

kuburan Islam aye yang ngajiin,

biar kate tuh perawan udeh ade yang punye,

tetep aje nih laki yg bakal jadiin.

 

kalo jalan lewat kemayoran,

ati-ati jalannye licin,

dari pada niat lu kage kesampaian.

mending lu pilih mati ape lu batalin.

 

ibarat baju udah kepalang basah,

masak nasi udeh jadi bubur.

biar kate aye mati berkalang tanah,

setapak kaki kaga ade nantinye aye bakalan mundur.

 

ikan belut mati di tusuk,

dalam kuali kudu masaknye,

eh… nih palang pintu kage ijinin lu masuk,

sebelum lu penuin persaratannye

 

Bang kepiting kejapit kerang.

Kerangnye di balik lobang batu.

Pasang kuping lu biar terang.

Adepin nih jaware gua satu persatu

 

bintang seawan-awan,

aye itungin beribu satu,

berape banyak Abang punya jagoan

aye bakal adepin satu-persatu.

 

Kepiting kecapit kerang.

kerangnye di rawa cipondoh.

Pasang kuping biar terang

Kenalin nih gua alindoh

 

Kepiting kecapit kerang.

Kerangnye di balik batu.

Pasang kuping lu biar terang.

Kenalin nih gua jaware nomor satu

 

ayam jago berkoko jitu

duit cebanan gua beliin kuaci

gua tau bang lu jagoan nomor satu

tapi sayang muke lu kaye sempak banci

 

Bang.. duit cebanan gua beliin kuaci.

Makan nye jangan berisik.

Biar kate muke gua kaye sempak banci.

Tapi cewe gua kaye dewi persik

 

lu tau dalemnye rawe,

pasti lu tau kali semanan,

kalo mau tau namenye jaware,

nih lu liat gue punye maenan

 

Kelape ijo ditusuk belati

naek, perahu lurus jalannye,

udeh banyak jago yang mati,

liat nih jurus pukulannye

• Tweet
• Share
• Share
• Share
• Share

Artikel keren lainnya: